Republika ng Pilipinas
Magandang Araw sa Inyong Lahat,

Ang ebidensya, konklusyon at paliwanag ay isinalang upang timbangin ang bigat ng argumentong ito sa pamamagitan ng imbestigasyon. Ang buong dokumentong ito ay bunga ng mahigit isang taon na masugid na pag-aaral, pagsasaliksik, pagtiyak sa katotohanan at sa mga makatuwirang pahayag.

Ang mga pangyayari at petsa na binanggit rito ay totoo at mahigit isang daang [100] detalyeng ihinayag na muli ay gusto kong inyo rin gawing basehan upang kayo mismo ang makapagpatunay. Maraming patunay nito ay mababasa sa pamamagitan ng libro sa kasaysayan ng Pilipinas at sa ng mga 'links' rito. Ngunit mga kababayan ko, dahil sa pagsisikap ng mga kaduda-duda upang hindi malathala ang mga patotoong ito, ang iba sa mga links na ito ay kataka-taka at biglaang naglalaho ng isa-isa.

Mabuti na lang sapagkat ang mga nasulat at links na iyon ay makikita pa rin sa ibang edisyon na 'websites' at sa ibang media organisasyon sa buong mundo upang makapagbibigay sa ating lahat ng kaalaman tungkol sa mga bagay na minsang itinago sa atin. Hindi kailangan maging matalino upang malaman dahil konting usisa lang, ikaw ay pwede maging IMBESTIGADOR.

Ang mga nasusulat rito ay hindi ko sariling opinyon kundi mga nalikum na ebidensya at pangyayari na kung pagtugma-tugmain ay makapagbibigay ng konklusyon patungkol sa pangyayari. Sa pinagsama-samang pag-aaral at sa pamamagitan ng masinop na pagsaliksik upang matiyak ang katotohanan ng impormasyon, sinikap ko na alisin ang alinmang hindi totoo na diskusyon at impormasyon na hindi malayang makapagbibigay ng maliwanag na pahayag.

Ang bawat kwento, sabi-sabi at pangyayari na inisa-isa ay maaring hindi makapagpapaliwanag ng ating isipan ngunit kung ipagsamasama ang sandamakmak na impormasyon ay ihahatid tayo sa katotohanan na kahit ang pinakabobo ay makakaintindi. Ngunit mangilan-ngilan sa atin mismo ay mas maniniwala sa KUNG ANONG MGA BINALITA SA TV, sa mga eksperto at sa autoridad. Di-gawi nababaguhan na mag-isip ng sarili kaya ang katotohanan ay nawawalan ng halaga upang mabago pa ang kanilang pag-iisip. Bagkus tatalikod sila sa katotohanan at itatanggi ang nasaksihan dahil na rin sa hindi matanggap na katotohanan. Sila ang mga taong ang isip ay nagsarado at sunud-sunuran laang gaya ng mga karaniwang tao na makikita sa sosyiedad at mangilan-ngilan sa kanila ay may mataas na pinag-aralan. Sa lahat ng oras, sila ay may takot na baka hindi tugma sa panlasa ng masa ang kanilang pag-iisip. Hindi nila pinagsisikapan baguhin ang maling paniniwala kahit alam nila ang katotohanan.

Ang makibagay sa masa ay kailangan. Para sa marami sa atin, ang opinyon ay walang halaga kung hindi ito sinusuportahan ng karamihan. Ang pagsusuportahan sa isa't isa ay totoong kailangan natin at sa pamamagitan nga nito ang sosyiedad ay nabuo. Gayon man, ang pag-kakaisang ito ay maaring huwarin sa kasamaan at sa pansariling kapakinabangan.

Ang ating pakikiisa sa sosyiedad at sa pagsunod sa karaniwang opinyon ng masa ay kadalasan naging dahilan rin natin sa pagpasya at paghatol ng hindi makatuwiran. Ang PAG-AARAL na ito ay posibli rin na walang halaga sa inyo dahil sa pagsunod sa masa. Ngunit pagsisikapan ko na buksan ang saradong pag-iisip at pakawalan sa inyong pagbubulag-bulagan kahit ito'y hindi madali. Mahirap makipagsabayan sa balita sa telebisyon na nagpapaniwala sa masa at sa inyo ng HINDI TOTOO. Ganun pa man, ako at sana ang iba sa atin ay sumubok na maghayag at ibuko upang mailapag natin katotohanan sa publiko.

Ang iba na napakakonti sa atin ay may lakas ng loob at kakayahan tanggalin and piring sa mata upang tanggapin ang katotohanan na nakita sa pamamagitan ng pagbasa ng dokumentong ito. Sa lahat ng may bukas na pag-iisip at sa inyong lahat, sana ay maihayag ko ng maliwanag sa inyo ng buo. Nais kong ipakita sa inyo ang resulta ng imbestigasyon at ebidensya ng Hello Garci Tape, Ang Katotohanan ng Pang-aagaw ni Gloria ng Kapangyarihan, Ang kay Pampanga Governor Eddie Panlilio tungkol sa panunuhol, pambobomba sa Glorieta at ang iba't ibang planadong kaguluhan sa kasaysayan ng Pilipinas.

Totoong serbisyo publiko po ito para sa aking mga kababayang Filipino, inihahandog ko sa inyo ang resulta ng pag-aaral sa pag-asang magising ang lahat.







Gaya ng karamihan sa atin, ako;y kinilabutan, nagitla at nalungkot sa akin napanuod noong ika - 19 ng Oktubre sa telebisyon. Ang makasaksi sa bombahan ay talagang isa sa nakakabahalang pangyayari na nakaka-trauma.
Ang basahin lang ang Sulat ni Carlo Cruz ay nakakalungkot na. Pero ang masaksihan ang pagkamatay ng mga biktima ay lalong nakakabahala.

Download the file here: PDF file.